REFA AWAHUJUMU TAIFA STARS MECHI NA LIBYA

Timu ya Tanzania "Taifa Stars "imeambulia kipigo cha mabao 2-1 kutoka kwa Libya kwenye mchezo wa kufuzu AFCON 2021 huko Cameroon. lawama zote zikimwendea refa 

aliechezesha mchezo huo afahamikae kwa jina la Chizinga Mwi  na  utaifa wake ni Malawi. Mchezo uliopigwa nchini Tunisia na refa huyo kusababisha Stars kupoteza mchezo wake wa kwanza kati ya michezo 6 inayopaswa kucheza hatua za makundi. 

Taifa Stars ilikuwa ya kwanza kufunga bao dakika ya 18 kwa mkwaju wa penalti kupitia Mbwana Samata baada ya Msuva kuchezewa rafu.

Dakika ya 68 mwamuzi alitoa penalti yenye utata kwa Libya jambo lililowavunja moyo wachezaji wa Taifa Stars kwenye mchezo huo na bao likapachikwa na Sand Masoud dakika ya 68 ambaye alipiga penalti.

 Zikiwa zimesalia dakika 9 mpira kumalizika mchezaji wa Libya  Anias Saltou aliandika bao la pili akiwa ndani ya 18 kutokana na safu ya ulinzi kufanya makosa ya wazi.

Dakika ya 87 mchezaji wa Libya Hamdou Mohamed alionyeshwa kadi nyekundu na kuondolewa uwanjani.